سیکستھ روڈ راولپنڈی بالمقابل میڈ وے پلازہ کے سامنے فلائی اوور کے نیچے غیر قانونی کار پارکنگ قائم
من مرضی کا ریٹ وصول کیا جانے لگا پرچی پر لکھا ہواہے کہ آر ڈی اے سے منظور شدہ کار پارکنگ ہے
ترجمان آر ڈی اے نے دوران موقف بتایاکے سیکستھ روڈ فلائی اوور کے نیچے آر ڈی اے سے کوئی کار پارکنگ منظور شدہ نہیں
راولپنڈی ( )تھانہ نیو ٹاؤن کی حدود میڈ وے فلائی اوور جہاں کچھ وقت قبل ہوٹل قائم ہوئے تھے جنکو آر ڈی اے نے مسمار کردیا تھا اب وہاں میڈ وے پلازہ کے سامنے فلائی اور کے نیچے یوسف خان کار پارکنگ قائم ہے کار پارکنگ میں فراہم کی گئی پرچی پر باقاعدہ آر ڈی اے سے منظور شدہ پارکنگ کا اندراج ہے جبکہ گاڑیوں کی فیس بھی من مانی وصول کی جارہی ہے دوسری جانب جب مذکورہ کار پارکنگ کے منظور ہونے کے حوالے سے ترجمان آر ڈی اے سے مؤقف کیلئے رابطہ کیا تو انہوں نے کہا کہ فلائی اوور سیکستھ روڈ کے نیچے کوئی کار پارکنگ آر ڈی اے سے منظور شدہ نہیں آپ اسکی نشاندھی کریں کارروائی ہوگی یہاں پر ضرورت اس امر کی ہے کہ کیسے کوئی انتظامیہ کی اجازت کے۔ بغیر انتہائی کاروباری مرکز والے ایریا میں پرچی کے نام پر شہریوں کو لوٹ رہا ہے جبکہ پرچی دینے والے عثمان نامی شہری کا کہنا ہے کہ ٹھیکیدار سے رابطہ کریں ہم نے منظوری لے رکھی ہے اسطرح پرچی وصول نہیں کررہے ہیں ہمارے پاس کار پارکنگ کا اجازت نامہ موجو د ہے جو میرے پاس موجود نہیں ہے ٹھیکیدار کے پاس ہے اگر کوئی اجازت نامہ فراہم کیا گیا تو اسکو بھی بعد میں خبر کا حصہ بنایا جائے گا
