اسلام آباد (قوی اخبار)اینٹی نارکوٹکس فورس کا منشیات کے خلاف کاروائیوں کا سلسلہ جاری۔
12 کاروائیوں میں 371 کلو سے زائد منشیات برآمد، 3 خواتین اور غیر ملکی باشندے سمیت 10 ملزمان گرفتار۔
موٹر وے ٹول پلازہ اسلام آباد کے قریب چارسدہ کی رہائشی خاتون سے 1 کلو چرس برآمد۔
پمز ہسپتال کے پارکنگ ایریا میں بونیر کے رہائشی ملزم سے 1 کلو 800 گرام چرس برآمد۔
ایف ٹین مرکز اسلام آباد میں اسلام آباد کے رہائشی کار سوار کے قبضے سے 80 نشہ آور گولیاں برآمد۔
راولپنڈی میں واقع برٹش ہومز میں موٹر سائیکل سوار غیر ملکی باشندے سے 115 گرام کوکین برآمد۔
پشاور کوھاٹ انڈس ہائی وے پر آئل ٹینکر سے 288 کلو چرس برآمد۔
برآمدشدہ چرس ٹینکر میں بنائے گئے خفیہ خانوں میں چھپائی گئی تھی۔
کراچی کا رہائشی ملزم چرس پشاور سے کراچی سمگل کر رہا تھا۔
کراچی کے جناح انٹرنیشنل ایئرپورٹ کے کارگو پر اے این ایف کی بڑی کارروائی۔
براستہ پاکستان، پرتگال سے پیراگوئے بھیجے جانیوالے پارسل سے 4 کلو 136 گرام چرس برآمد۔
جناح انٹرنیشنل ایئرپورٹ پر دوسری کارروائی میں مسافر سے 1 کلو 100 گرام ہیروئن برآمد۔
گجرانوالہ کا رہائشی ملزم پرواز نمبر UL-184 کے ذریعے کولمبو کیلئے روانہ ہو رہا تھا۔
کوئٹہ، لکپاس کے قریب ٹیکسی کار میں سوار چمن کی رہائشی دو خواتین اور ایک مرد گرفتار۔
دوران تلاشی خواتین کے کپڑوں میں چھپائی گئی 21 کلو 600 گرام چرس برآمد۔
کوٹ غلام آباد بائی پاس اوکاڑہ کے قریب مقامی رہائشی ملزم سے 1 کلو 200 گرام چرس برآمد۔
خیبر کے علاقے جروبی زخاخیل میں 3 کاروائیوں کے دوران چھپائی گئی 52 کلو 500 گرام چرس برآمد۔
تمام ملزمان کے خلاف انسدادِمنشیات ایکٹ کے تحت مقدمات درج کر کے مذید تحقیقات کا آغاز کر دیا گیا ہے۔
*ترجمان اے این ایف*
